hongkonese on Xanga

Weblog

Monday, 28 December 2009

聲援劉曉波　有心唔怕遲

熱心網民，請移動滑鼠，簽爆《08憲章》，聲援劉曉波，中國民主，有你出手，必有希望！

《08憲章》網站

有中國特色的「黑社會主義」治下，連越境綁架都做得出，呢啲算得係咩嘢。

21市民羅湖橋挺劉曉波公安越境拘港示威者

Sunday, 13 December 2009

民建聯（成功）爭取．．．

身為元朗居民，再睇埋幅工程平面圖，真係唔知移同唔移嗰三米有咩分別，同埋係咪咁值得民ｘ聯掛banner 「爭取」。反而幢嘢好樣衰同埋同周圍個環境好唔夾，破壞哂元朗的平實風格又唔見民ｘ聯出嚟反對。至於市中心外圍堆屏風樓最好就拆ｘ哂佢。

不過點都唔夠呢幅延長綠燈兩秒經典．．．↓

講開又講，最奇怪都係嗰ｄ選極都輸，區議員都無得做嘅民ｘ聯黨員依然可以周街掛banner，呢個世界果然有錢就大哂。

Saturday, 05 December 2009

一個自稱的國際大都會，都唔知可以點再「衝出世界」。再衝，就衝到火星㗎喇喎。

東亞運動會開幕禮晚上維港舉行
2009-12-05 HKT 22:37
東亞運動會開幕禮，晚上八時在尖沙咀對開海面舉行，歷時個半小時，由國務委員劉延東宣佈運動會正式開始。
行政長官曾蔭權致辭時表示，今次是本港首次舉辦大型綜合運動會，揭開重要一頁。
尖沙咀及西九海傍一帶，有過千名市民及遊客觀賞開幕禮進行。

睇直播見到呢幕真係呆ｘ咗。你嚟觀禮無所謂，但係搶埋特首曾蔭權宣佈開幕嗰句，真係無眼睇。仲同人講所謂「一國兩制」！？真係鬼都唔信喇。

人地關島參賽都係就咁用「關島」而唔係「美國關島」，偏偏香港澳門係唔係都要加埋「中國」，好似「中國」變咗八萬五，唔講就等於唔存在咁。睇嚟大國勃起，已經驚緊不舉嗰一日。

Wednesday, 02 December 2009

點hard sell 中國製造都係嘥氣．．．

睇埋明報點樣保駕護航：
打造「中國製造」形象關鍵在國家品質提升

『在全球一體化大前提下，其他地方不能限制中國產品進入，但是他們可以藉著中國的劣質產品大做文章，予以妖魔化來試圖排擠中國產品。』

嘩，以為只有班左仔先會用的「妖魔化」一詞，竟然喺明報出現。不過重點係，妖魔邊度可以咁厚顏無恥咁話自己畀人「妖魔化」㗎。

『現在，國貨在民衆心目中認受性較低，只有國人都以用國貨為榮，另外，當「中國製造」只是一種生產模式，「中國創造」成為中國品牌，到了這樣的境界，價廉物美的中國產品才是真箇揚威世界。』

吓？唔同你講語病問題住，中國貨連嗰班中國人都避之則吉，只係叫做「認受性較低」？

講返個廣告，雖然話就話「世界合作」啫，可能我眼力差喇，睇哂成條片一個華裔或類似華裔的人都無喎，白人有大把，連黑人都有一個。定係你想同我講，佢地全部都入哂最難入的中國籍！？中國人缺席的「中國製造」，中國商務部係咪帶頭歧視中國人先？即使中共政權本質媚外係人所共知，都唔駛再一次「傷害中國人民感情」㗎。睇嚟「中國製造」的唯一賣點，就係嗰ｄ「Designed in XX」。中國人的基本良知唔搞返好，制度繼續敗壞，賣幾多廣告都係嘥ｘ氣，最多可以當笑片咁睇完就算。

Sunday, 29 November 2009

揸緊中指

歌詞:
Microphone check one
戚起耳朵聽真
清晰既聲音向你腦袋進軍
一直都知自由係要去捍衛
不惜一切就算我地依然持於人世

奸商加狗官最叻係搵旗祭
事實擺在眼前就無扭彎無得蒙蔽
強勢未倒下頭臚未被斬下
有法治一日我哋依然不怕

迫不得已大懶堂要出黎申張正義
但係呢首歌既內容並無牽涉到政治
我話你知個世界越係咁講
我地既思維就要更加要懂得開放come on

*一二兩隻手指
意義就只有自由兩個字
一無所有既鬥士
揸緊中指唔係你想咁易

一二兩隻手指
意義就只有自由兩個字
一無所有既鬥士
揸緊中指唔係你想像咁易*

我並唔認同你講既一切一切
但我會捍衛即使死不眼閉
並唔認為你所謂既需要勀制
會帶黎公平肯定壓倒一切

屈服於錢幣唔怕照肺
見義貴一樣照吠正義係不顧一切
唔怕揭穿虛偽持續性繼續警世
唔會感到孤獨為自由不枉一世

我知道世事冇絕對既對與錯
但係我屌你亦無需要對號入座
我憤怒你無需要大驚小怪
亂鳩咁報導唔可以當做表態

Repeat *

你不要放棄堅持到尾
自由要接捧我地要靠哂你
(為平等一個Freedom)
不管犧牲幾多揸緊中指我道理
不自由毋寧死
妥協最後失敗者只會係你
(不能容忍世界變成咁)
犧牲幾多揸緊中指我道理

為平等一個Freedom
不能容忍個世界點解變成咁
鬥爭不斷發生太多狡猾聲音
為左自由兩個字太多人無辜犧牲

為平等一個Freedom
為自由追尋同權力繼續繼續抗衡
不聽天由人自由不分富貧
平等自由應該屬於每一個人

Repeat *

一二兩隻手指
Liberty 自由兩個字
一無所有所有既鬥士
揸緊中指