雜記 廣深港高鐵只係一項大白象工程，拿香港人的錢倒貼達官貴人的面子和大陸人的時間。係有咁多錢無地方駛的話就搞掂西鐵機場延線、北環線、沙中線、西港島線、南港島線先。根本只有以官商勾結為本的特ｘ政府先搞得出啲咁嘅嘢，狗噏權藉派慳電膽加電費，貫徹始終而已。 －－－－－－－－－－－－－－－－－－－－－－－ 維港兩岸夜景不知不覺間亦淪陷了。由殘體字中國廣告，到不停閃動的電視式招牌，品味之於我城，如與夏蟲語冰。不用患上老人痴呆，香港不再是以前…

正確的興建西鐵方法 　依家睇親西鐵張路線圖就眼火爆，四百幾億起條垃圾出嚟都唔知有乜謂。原東涌線以外部份，以西鐵第一期本身加上九龍南線、以及廣深港高鐵香港段同埋港深機鐵呢兩隻大白象的造價，要起一條正常的西鐵以及接駁路線出嚟絕對無難度，仲肯定有找㖭。配合肢解港島線，元朗、天水圍將可直達金鐘、灣仔、銅鑼灣等核心地帶以至柴灣。 　本建議將西鐵分成兩線，一為由香港站出發，至荔景後分叉至天水圍和東涌的西鐵線；另一為由機場經屯門、元朗至上水的…

意淫樓盤廣告又一實例 　香港意淫樓盤廣告精神自慰，逢宅必豪見慣不怪，連夾在葵涌工廠區中的亦可自稱「九龍」「豪宅」。奇就奇在，港鐵幾時入咗新車型咁大件事都唔通知聲，要喺一個樓盤廣告入面暗藏玄機？奇就奇在，港鐵竟然同佢膠埋一枱，照登可也（後來查證，港鐵有份的「城中駅」都係咁玩法，即係港鐵自己都睇自己啲車唔順眼。呢間到底咩公司嚟！？）。而除咗鐘樓同文化中心係喺尖沙咀之外，其他樓唔知係咪外星人起落去o架呢？ 　依家賣樓奉旨唔會清楚列…

我覺得真係係時候要鬧爆香港交通．．．搞錯咗，係膠通先啱．．．有ｄ問題之前都有寫過吓，當然呢個世界膠開有條路，膠通唔會無端端自己變返做交通，忍無可忍之下都係要繼續寫．．．元朗篇：邊班白痴可以將三號幹線入元朗起到一定要經博愛交匯處，搞到要同其他方向來的車分一條（係一條！）行車線！唔好話撞車，就算有部車死火，成個元朗路面交通即時癱瘓。大馬路有著同樣的問題，最窄的地方得返一條行車線。條行人路都好窄，由於天水圍規劃（係虧劃先啱）徹底失敗，元朗市要…

星期六夜晚十點幾的紅隧．．．點解都仲係可以塞到咁的樣．．．或者應該咁講，本人幻想中的情況，就只會在西隧出現。 本來打算搭巴士到銅鑼灣（因為實在太方便太就腳），不得不打消這個念頭。我承認我這些出入基本上用唔著紅隧的新界人見唔慣塞車大場面，並沒有誰停下來駐足欣賞及拍照。但這種近乎麻木的忍受就代表一切都沒有問題，而且合理得很嗎？ 其實同時段的荃灣線同埋西鐵要企到咁迫都已經覺得好唔合理（西鐵係因為班次太疏），這，就是大家心目中理想的香港交通嗎…