Saturday, 23 May 2009

• 港鐵呢間公司真係越嚟越膠
  
  腐爛的民生管理
  
  

  港鐵單程票贈守規客

  【明報專訊】一向慣守秩序的港人，乘搭港鐵時原來不守規矩。港鐵委託中文大學進行的調查顯示，44%受訪者曾經在列車車門即將關上時衝門，55%人承認搭電梯時不會緊握扶手，去年因此發生超過812宗電梯意外，比前年多出14%。

  44％人曾衝門 55％不握電梯扶手

  負責調查的中大心理學系副教授區永東表示，結果顯示乘客一般都相信自己有能力避免受傷，安全意識不足。

  港鐵副車務總監李殷泰表示，將推出為期一個月的安全運動，聘請100名員工扮演神秘顧客，在月台留意乘客是否守規矩，並向守規矩的乘客派發一張單程車票作獎勵。港鐵預計在全線車站派發1000張車票，每天限派50張。

  －－－－－－－－－－－－－－－－－－－－－－－－－－－－－
  
  乜提供合理班次同埋正常車速真係咁困難？乜有乘客衝門時重開一度門而非四十度門真係咁困難？
  
  兩分鐘一班車，咪由得佢走咯，追嚟把鬼咩；但係十分鐘一班就唔同講法喇，隨時等仲耐過搭喎！西鐵班次有一半消失得無影無蹤、荃灣線非繁忙時間以客量計算無可能開到咁疏。車速真係火滾，近期無端端明顯減慢，加上班次疏落，根本港鐵自己鼓勵緊乘客衝門。門面功夫做足，成因卻隻字不提，反過來諉過乘客，簡直係無恥的典範。講真，我都鬧到好悶，但係從來都無見過有改善。
  
  乜左行右企唔係廿幾年嚟一直都相安無事咩？
  
  淨係知道，近年本人的扶手電梯「步行受阻率」急升，港鐵「成功」拖慢乘客行程。反正唔畀人行都係咁多意外，不如回復舊制算喇。雖然港鐵可能膠到會諗過停哂所有扶手電梯，人人行樓梯！
  
  車站、車廂溫度過熱空氣流通差，屢次投訴無效，人人都諗住快ｄ搭完快ｄ走。又唔知港鐵會唔會調查一吓其惡劣服務水平到底積壓咗幾多民怨呢？又唔知港鐵會唔會調查一吓市民對保鐵政策有幾反感呢？
  
  

  • 1:20 AM
  • 13 Views
  • 2 eProps
  • 1 Comment