最後一塊骨牌何時才倒下？

學好中文　保住香港

　即使不細看書中例子和引文，單是欣賞陳雲的文字已是一種久違了的享受－清通的中文，本該如此。

　睇呢本書之前，一直以為「嚴重同意」係一個gag嚟，仲要係跌爛咗嗰隻。至於「我的夫人」，斯文點只掃地，就嚟連洗衫煮飯抹窗洗廁所嗰份都要做埋。

　《執正中文》比起前作《中文解毒》，更有系統地分析「現代漢語」入侵造成的種種問題，但書中手民之誤亦較多，然而瑕不掩瑜，誠佳作也。匆匆讀過，部份文字有所重覆，不過我們寫壞鬼中文之時，又何嘗不是重覆犯錯？

　自從見識過「一見發財」合乎「形式語法」的現代白話文版本之後，必須相信中文確是章法先行，否則請自行到地府理論。

　只因為「普通話」應付不來，就將古意盎然，言簡意賅的中文，換成俗不可耐的北方土話，並奉為圭臬，識者無不搖頭歎息。

　中文威力漸難復見，是拒絕思考，忘卻文隨意轉的問題；是飯來張口，逆來順受的問題。雖然，咬文嚼字喺今時今日，係好愚蠢嘅一件事。呢篇短短書評，已經寫到頭都大，要持之以恒，又談何容易．．．

　睇完又發現，書入面有好多字都唔識讀，乜我啲中文原來真係咁差！？

　一認真，你就輸了 (轉載)

　你地香港人出咩聲？買唔到樓關特首春卷事丫！只係你地唔努力，係你地心頭高！

　你地唔好再成日鬧政府，我覺得特首講得好啱！做咩一定要住君臨天下，日出康城？深圳特區啲樓唔住得咩？又大又近祖國！

　話過你地知，個時李力持(典型第二代香港人，請參看呂大樂《四代香港人》)黎嶺南大學演講，頭半部份講佢點樣做導演，點樣奮發，後半部份講議員(社民連)和老師。

　佢批評社民連三個議員只懂嘈，不懂做事。 再批評老師經常上街遊行，原句大約如下：「繼續嘈啦！繼續乞啦！你做得多政府就會幫你架啦嘛！」 記住，佢係用個「乞」字。

　老師叫政府增撥資源係乞錢。 議員扔蕉係唔做野。 《獅子山下》呢首歌，激勵了很多香港人。

　更可怕的是，塗毒了六七十年代的香港人。 八十左右出生的你們，鬧乜春卷政府？ 歸根究底，係你地唔夠努力，係你地沒有上進，係你地不思進取。

　這個世界，一認真，你就輸了！

　我們還有甚麼辦法可以把香港改變？普－選。或者，革命。

　如果有人到而家都認為香港係公平，公義，公正的。你認為別人窮是因為他們不努力。如果你認為自己可以置身事外，因為你生活安好，完全漠視他人痛苦。如果你還認同七十年代香港人的價值是完全正確的！

　我告訴你們，你欠缺的是人最高的價值，良－知。

－－－－－－－－－－－－－－－－－－－－－－－－－－

補充：
也不全然是欠缺良知，可以只是斯德哥爾摩症侯群而已。
但面對中國如滔滔江水源源不絕的殖民（我承認呢個係gag，但係真係笑唔出），而且記住，有相當一部份同你同我一樣，已經拎咗三粒星身份證，你話可以點ｘ算，再唔醒覺的話，真係大家一齊等仆街。

機管局係咪想做埋中國國民黨嗰份．．．



「澳門」係一個地名，咁「內地」係乜嘢？香港有所謂「內地」的嗎？定係隻船其實係去屯門？相對港九，新界又的確可以算是「內地」。抑或是機管局想光復大陸，將中國納入香港版圖？好地地寫中國／中國大陸（China/ mainland China，留意應該係細楷m）咪乜事都無咯。

耗資一億　重鋪地磚　加設吊飾
旺角五條主題街大翻新

連旺角都要活化？呢班狗官到底有無病？到底識唔識中文？

跟住市建局去影相，佢搞邊度影邊度就一定無死。即使平日路過沒有多加留意的地方，總能帶來一點點驚喜。這就是活的香港，而不是市建局無恥的先姦後殺然後再扮好人走出嚟「活化」呢個活死人．．．

唔知仲可以講啲咩好．．．
果然都係嗰句，「消滅香港是香港政府城市規劃的唯一目的」！市建局的目的，更是消滅我們的中文！

facebook group: 市建局與我
香港最活的地方點解要活化